የፌዴራል ቤቶች ኮርፖሬሽን መሰረታዊ የሠራተኛ ማህበር ጠቅላላ ጉባዔ በዛሬው እለት በካሄደው ጉባዔ 9 አባላት ያሉት የማህበሩ የሥራ አስፈጻሚዎችን መርጧል፡፡

ጉባዔው በተጨማሪም ሦስት የቁጥጥርና ኦዲት አባላትን ሰይሟል፡፡

አዲሱ የሥራ አስፈጻሚም አቶ አበባው ዋለልኝን ሊቀመንበር አድርጎ የመረጠ ሲሆን አቶ ጌታቸው ሠናይን ደግም ም/ሊቀመበር በማድረግ ሰይሟል፡፡ ሥራ አስፈጻሚው በተጨማሪም አቶ ታደሠ ጥበቡን ዋና ፀሐፊ አድርጎ መርጧል፡፡

ጠቅላላ ጉባዔው የቀደመው ሥራ አስፈጻሚ በአመራሩና በሰራተኛው መካከል የተግባርና የአመለካከት አንድነት እንዲጎለብት በማድረግ የሰራተኛውን ጥቅም በማስከበር ረገድ ያከናወነውን ውጤታማ ሥራ እውቅና የቸረው ሲሆን አዲሱ ሥራ አስፈጻሚም ይህንኑ ተግባር ለማስቀጠል እንዲተጋ ሲል አሳስቧል፡፡