የኮርፖሬሽኑ ታሪካዊ አመጣጥ የኮርፖሬሽኑ ታሪካዊ አመጣጥ

የፌደራል ቤቶች ኮርፖሬሽን ቀደም ሲል የኪራይ ቤቶች አስተዳደር ድርጅት በአዋጅ ቁጥር 58/1968 ተቋቁሞ በልማት ድርጅትነት ሲተዳደር ከቆየ በኋላ ከ2000 ጀምሮ በአዋጅ ቁጥር 555/2000 መሠረት የመንግሥት ቤቶች ኤጄንሲ በሚል ስያሜ ወደ ፌዴራል አስፈፃሚ መስሪያ ቤት ተቀይሮ ሥራውን ሲያከናውን ቆይቷል፡፡ ይህ አደረጃጀት በወቅቱ የፌዴራል መንግሥት ንብረት የሆኑ ቤቶችን በአግባቡ ለማስተዳደርና ለቤቶቹ የሚደረገውን ጥበቃና እንክብካቤ ለማሻሻል ታስቦ የተደረገ ቢሆንም የሚፈለገውን ውጤት ባለማምጣቱ ድርጅቱ ዘርፈ ብዙ ችግሮች ውስጥ እንዲገባ ምክንያት ሆኗል፡፡ በመሆኑም ኤጀንሲው ተልዕኮውን በአግባቡ እንዲወጣ በየጊዜው የተለያዩ ጥናቶችን በማካሄድ ተግባራዊ ቢደረግም ተቋሙ በመሰረታዊነት ከችግሩ መላቀቅ እንዳልቻለ በተደጋጋሚ በተደረገው ጥናት እና የአፈጻጸም ግምገማ ማየት ተችሏል፡፡

በሌላ በኩል ተቋሙ ቤት መገንባት ቢያቋርጥም አዲስ ቤት ከመገንባት ባልተናነሰ ከፍተኛ ሙያ ያለው የሰው ሃይልና ወጪ የሚጠይቅ የመከላከል እና የተመላላሽ ጥገና ሥራዎችን የሚያከናውን በመሆኑ አሁን ያለው አደረጃጀት የጥገና ሥራዎችን በአግባቡ በማከናወን ላይ የራሱ አሉታዊ ተፅዕኖ መፍጠር ችሏል፡፡

የሚኒስትሮች ም/ቤት ጥር 26 ቀን 2009 ዓ.ም ባካሄደው 22ኛ መደበኛ ስብሳበ የፌዴራል ቤቶች ኮርፖሬሽን እንዲቋቋም ያሳለፈውን ውሳኔ ተከትሎ ኮርፖሬሽኑ በሚኒስትሮች ም/ቤት ደንብ ቁጥር 398/2009 ተቋቁሟል፡፡ በመሆኑም ኮርፖሬሽኑ የቀድሞ የመንግስት ቤቶች ኤጀንሲ መብቶችና ግዴታዎች የተላለፉለት ሲሆን የቤት ልማት እና ተዛማጅ ዓላማዎች ተሰጥተውት የተቋቋመ በመሆኑ ይህንን ተልእኮ መሸከም የሚችል የተቋማዊ አደረጃጀት (መዋቅር)፣ የሥራ ክፍሎች ዋና ዋና ተግባራት፣ የሰው ኃይል ዕቅድ፣ የሥራ መደቦች ዝቅተኛ የትምህርት ዝግጅትና የሥራ ልምድ እንዲሁም የሥራ መደቦች ደረጃና የደመወዝ ስኬል ጥናት አከናውኗል፡፡

የኮርፖሬሽኑ አደረጃጀት አንድ ዋና ሥራ አስፈጻሚና ሶስት ም/ዋና ሥራ አስፈጻሚዎች ማለትም የቤት አስተዳደር ዘርፍ፣ የቤት ልማት ዘርፍና የኮርፖሬት ሰርቪስ ዘርፍ የያዘ ነው፡፡ አደረጃጀቱ ዳይሬክቶሬቶች፣ ፅ/ቤቶችና አገልግሎት ሲኖሩት በዳይሬክቶሬቶችም ስር ተቀራራቢ ሥራዎችን የሚመሩ ቡድኖች ተደራጅተዋል፡፡ በአጠቃላይ የኮርፖሬሽኑ አደረጃጀት 16 ዳይሬክቶሬቶች፣ 6 ቅርንጫፍ ጽ/ቤቶች፣ 4 ጽ/ቤቶች፣ አንድ አገልግሎት እና 64 ቡድኖች ያሉት ሲሆን 1492 የሚደርሱ ሠራተኞችን አካቶ ይዟል፡፡

የ40 ዓመት ታሪክ ለማወቅ

ዜና ፌ.ቤ.ኮ ዜና ፌ.ቤ.ኮ

የፌዴራል ቤቶች ኮርፖሬሽን ለ18,153 የቤት ተከራዬች በድጋሜ 50 በመቶ የግንቦት ወር ቅናሽ አደረገ፡፡

የፌዴራል ቤቶች ኮርፖሬሽን ለ18,153 የቤት ተከራዬች በድጋሜ 50 በመቶ የግንቦት ወር ቅናሽ በማድረግ ኮረናን ለመከላከል ያበረከተው አስተዋጾኦ 130 ሚሊዬን ብር ደረሰ፡፡

ኮርሬሽኑ ለሁሉም ደንበኞቹ በሚያዚያ ወር የኪራይ ክፍያ የአምሳ በመቶ ቅናሽ አደረገ

የፌዴራል ቤቶች ኮርፖሬሽን በኪራይ በሚያስተዳድራቸው 18, 153 የመኖሪያ፣ የንግድና የድርጅት ቤቶች የኮቪድ 19 ኮረና ቫይረስ በፈጠረው ተፅእኖ በቀጥታ ይሁን በተዘዋዋሪ ለተጎዱ በአዲስ አበባና በድሬዳዋ ለሚገኙ ደንበኞቹ የሚያዚያ ወር የኪራይ ወርሃዊ ክፍያ የአምሳ በመቶ ማለትም የእያንዳንዱ ተከራይ የወርሃዊ ክፍያዉን ግማሽ ተቀናሽ አደረገ፡፡

ኮርፖሬሽኑ አሥር ሚሊዮን ብር አበረከተ

የፌዴራል ቤቶች ኮርፖሬሽን ወደ አገራችን በቅርቡ የተሰራጨው ኮቪድ19 የኮረና ቫይረስ ለመግታትና ለመመከት እየተደረገ ያለዉን ሀገርአቀፍ ርብርብ የሚረዳ አሥር ሚሊዮን ብር ድጋፍ አበረከተ፡፡

የኮርፖሬሽኑ ሰራተኞች የአንድነት ፓርክን ጎበኙ

ከ1700 በላይ የሚሆኑ የፌዴራል ቤቶች ኮርፖሬሽን ሰራተኞችና አመራሮች ታህሳስ 07/2012 ዓ.ም በታላቁ ቤተመንግስት የሚገኘውን የአንድነት ፓርክ ጎበኙ፡፡

ለኮርፖሬሽኑ ሠራተኞች የግንዛቤ ማስጨበጫ ስልጠና ተሰጠ

የፌዴራል ቤቶች ኮርፖሬሽን ለኮርፖሬሽኑ ባለሙያዎች ህዳር 04 ቀን 2012 ዓ.ም የደንበኞች አገልግሎት አሰጣጥን የሚመለከት የግንዛቤ ማስጨበጫ ስልጠና ሰጠ፡፡

የፌ.ቤ.ኮ ኢ-ሜይል የፌ.ቤ.ኮ ኢ-ሜይል

ይከተሉን ይከተሉን

ተዛማጅ ገጾች ተዛማጅ ገጾች